Выберите язык:
2023 жылдың 10 ақпанында ҚазАДИ қабырғасында, ««Қазақстан тарихы, жалпы білім беру пәндері және ақпараттық жүйелер»» кафедрасының бастамасымен Алматы қаласы Алатау ауданының ҚазАДИ студенттері мен 9-10 сынып оқушылары арасында шахматтан турнир өтті. Турнирге қатысушылардың арасында ААЖК колледжінің студенттері де болды.
Турнирге төрешілер ретінде Kaissa шахмат өнері орталығының тәжірибелі жаттықтырушылары шақырылды:
Дарын Нұрланұлы БЕЙҚҰТОВ – шахматтан спорт шеберіне кандидат, «Қайсса» шахмат өнері орталығының бас директоры;
Сино Насибджонович АМОНБОЕВ – шахматтан спорт шеберіне кандидат, «Қайсса» шахмат өнері орталығының бас жаттықтырушысы.
3 сағат бойына шахмат ойыны болды. Турнирге қатысушылар қарсыластарымен айқаса отырып, шахмат ойынының жан-жақты екенін және бір қарағанда қарапайым көрінетіндей емес екенін көрсетті. Бұл өзін-өзі бақылау, логика, сондай-ақ қарсыласының қозғалысын есептей білудегі жарыс. Ойын үлкен қызығушылық тудырды. Ойындардың қорытындысы бойынша жеңімпаздар анықталды. Турнир нәтижелерін https://chess-results.com/tnr727842.aspx?lan=11&art=1&rd=7 сайтынан көруге болады.
Жеңімпаздарды және шахмат турнирінің барлық қатысушыларын құттықтаймыз!
