PhD

1. PhD докторантураға түсетін адамдарға қойылатын талаптар: “Магистр” академиялық дәрежесінің және кемінде 9 (тоғыз) ай жұмыс өтілінің болуы.

2. Докторантураға түсушілерден өтініш қабылдауы, қабылдау комиссиялары арқылы және (немесе) келесі мерзімдерде ҰТО ақпараттық жүйесі арқылы жүргізіледі:

1.күнтізбелік жылдың 3 шілдесінен 3 тамызына дейін;

2.күнтізбелік жылдың қараша айының 1-нен 18-не дейін.

Докторантураның білім беру бағдарламалары бойынша қабылдау емтихандары келесі мерзімдерде жүргізіледі:

• күнтізбелік жылдың тамыз айының 4-нен 20-на дейін;
• күнтізбелік жылдың қарашаның 19-нан желтоқсанның 11-не дейін.

3. Докторантураға түсушілер келесі құжаттарды тапсырады:

• еркін нысандағы өтініш;
• білім туралы құжат (түпнұсқасы, қабылдау комиссиясы арқылы құжаттар тапсырғанда);
• жеке басын куәландыратын құжат (жеке басын сәйкестендіру үшін қажет);
• мемлекеттік тілден емтихан тапсырғаны туралы ресми сертификат/куәлік (КАЗТЕСТ), ҰТО берген;
• шетел тілін білетінін/меңгергенін растайтын сертификат/куәлік;
• № ҚР ДСМ-175/2020 бұйрығымен бекітілгген, электронды форматтағы 075/у нысанындағы медициналық анықтама. (Егер, 0 75/у фомадағы медициналық анықтамада психо-нарко учетта тұрмайтындығы туралы нақты анықтама болмаған жағдайда, Egov сайтынан жүктей аласыздар!)
• өлшемі 3×4 сантиметр алты фотосурет;
• жұмыс орны бойынша кадр қызметімен бекітілген, еңбек өтілін растайтын жеке есеп парағы немесе басқа құжат;
• соңғы 3 күнтізбелік жылдағы ғылыми жарияланымдар тізімі, зерттеу жүргізу жоспары;
• алдын ала іріктеу нәтижелері («Денсаулық сақтау» білім саласы бойынша).

Осы тармақта көрсетілген құжаттар тізбесін толық ұсынбаған жағдайда –  ҚазАЖИ-ның қабылдау комиссиясы оқуға түсуші тұлғалардан  құжаттарды қабылдамайды

4. Докторантураға қабылдау емтиханы компьютерлік форматта келесі блоктардан тұрады/құрылады:

• ЖЖОБҰ емтихандық комиссиясымен жүргізілетін, докторантураға түсушімен сұхбат;
• эссе жазу;
• докторантурада оқуға дайындықты анықтауға тест (ары қарай – ОДТ);
• білім беру бағдарламасы тобы профилі бойынша емтихан сұрақтарының жауабы.

Докторантураға қабылдау емтиханына 4 сағат 20 минут уақыт беріледі (260 минут), оның ішінде:

• сұхбатқа – 20 минут;
• ОДТ-ға – 50 минут;
• эссе және білім беру бағдарламасы тобы профилі бойынша емтихан сұрақтарының жауабын жазуға – 190 минут (3 сағат 10минут).

Бұл ретте, көру, есту, тірек-қимыл аппаратының функциялары бұзылған мүгедектігі бар адамдарға “Медициналық-әлеуметтік сараптама жүргізу қағидаларын бекіту туралы” Қазақстан Республикасы Денсаулық сақтау және әлеуметтік даму министрінің 2015 жылғы 30 қаңтардағы № 44 бұйрығымен (Нормативтік құқықтық актілерді мемлекеттік тіркеу тізілімінде № 10589 болып тіркелген) бекітілген мүгедектікті белгілеу туралы құжатты ұсынған жағдайда 60 минутқа дейін қосымша уақыт беріледі.

Толығырақ осы сілтеме бойынша   https://testcenter.kz/ru/postupayushchim-v-doktoranturu/format-vstupitelnogo-ekzamena-dlya-postupleniya-v-doktoranturu/