Алматы қаласының №149 мектебіндегі Салтанатты сап

Л.Б. Гончаров атындағы Қазақ автомобиль-жол институты деканының тәрбие ісі жөніндегі орынбасары Баймагамбетова Г.Е. және «АЖ және ЖП» кафедрасының физика пәнінің оқытушысы Аутова Г. М. ағымдағы жылдың 25 мамырында, Алматы қаласы, Алатау ауданының, № 149 мектебінде соңғы қоңырауға арналған Салтанатты сапқа қатысты.

Салтанатты сапта, аталған мектепте 2022 жылдың 16 наурызында «физика-математика» және «география-математика» пәндері бойынша 11-сынып түлектері үшін өткен олимпиаданың қорытындысы жарияланып, жүлделі 1,2,3 орындарға ие болған оқушыларға институт өкілдері грамоталар табыс етіп, сыйлықтар ұсынды.

Л.Б. Гончаров атындағы Қазақ автомобиль-жол институты грамотасымен Алматы қаласы № 149 мектебінің басшысы, басшының оқу ісі жөніндегі орынбасары және сынып жетекшілер марапатталды.

Сонымен қатар, институт өкілдері түлектерге, барлық оқушыларға және Алматы қаласы, Алатау ауданы, № 149 мектеп ұжымын мерекелерімен құттықтап, жақсы жазғы демалыс, денсаулық және бар жақсылықты тіледі.

Деканның тәрбие ісі жөніндегі орынбасары Баймагамбетова Г.Е.