«Студенттер қатарына қабылдау» мерекесі

2023 жылдың 03 қарашасында Алматы қаласының “Алатау” мейрамханасында Л.Б. Гончаров атындағы ҚазАЖИ – ның 1 курс студенттерін институтымыздың «Студенттер қатарына қабылдау» атты маңызды да, қызықты іс-шарасы өтті.
Бұл іс-шараны институтымыздың белсенділері және 2, 3 курс студенттері, сонымен қатар Жастар ісі жөніндегі комитеті ұйымдастырды.
«Студенттер қатарына қабылдау» мерекесіндегі ойындар, билер, сайыстар, көңілді де, көтеріңкі көңіл-күй, құттықтаулар, ұстаздар мен студенттердің тамаша бірлігі көпке дейін есте сақталатын болады. Бұл іс -шараға 2-курс студенттері концерттік бағдарлама дайындады. Құрылтайшылардың атынан жаңа студенттерімізге “КазАЖИ” деген атауымен бас киім – кепкалар сыйға тартылды. Осы мерекеге орай кең және дәмді дастархан жайылды.
Институтымыздың студент жастарының қатары көбейіп жатқанына қуаныштымыз, сәттілік тілейміз. Құттықтаймыз!

Деканның тәрбие ісі жөніндегі орынбасары Баймагамбетова Г. Е.